L-Għodda MAC - Ċarts ta' l-Evalwazzjoni tat-Tqandil Manwali

Iċ-Ċarts ta' l-Evalwazzjoni tat-Tqandil Manwali (Manual Handling Assessment Charts - MAC) kienu żviluppati għall-evalwazzjoni tar-riskju għat-TMT fuq livell ta' screening.

Folji tax-Xogħol differenti għal
Rfigħ, Ġarr u Tqandil minn tim
huma disponibbli. Id-deskrizzjoni tal-metodu li tinkludi l-folji tax-xogħol differenti tista' tiġi ddawnlowdjata minn hawn:
Fuljett dwar iċ-Ċarts ta' l-Evalwazzjoni tat-Tqandil Manwali (Fajl pdf, 1.3 MB)

Dokumenti utli addizzjonali marbuta ma' dan il-metodu:
Verżjoni interattiva tal-folja tal-punteġġ MAC (Fajl pdf, 358 kB)
Din il-folja tal-punteġġ interattiva tippermetti lil dak li jkun li jdaħħal il-faxex tal-kuluri fuq il-folja tal-punteġġ fuq il-kompjuter. Din imbagħad tikkalkula awtomatikament il-punteġġ totali u tagħti l-opportunità biex tissejvah fuq il-kompjuter.

Introduzzjoni għaċ-Ċarts ta' l-Evalwazzjoni tat-Tqandil Manwali (MAC) (Fajl pdf, 3.2 MB)
Din l-introduzzjoni qasira tagħti ħarsa fil-qosor lejn iċ-Ċarts ta' l-Evalwazzjoni tat-Tqandil Manwali fil-forma ta' slajds.

Oriġini

MAC kien żviluppat minn Health & Safety Executive (HSE) u Health & Safety Laboratory (HSL) u ppubblikat fl-2002.
Inizjalment l-MAC kien prodott biex jgħin lill-ispetturi HSE jiżviluppaw l-għarfien u l-kunfidenza tagħhom fl-ittakiljar ta' temi ta' tqandil. Hu bbażat fuq studji bijomekkaniċi, fiżjoloġiċi u psikofiżiċi miġjuba mill-formula NIOSH u mit-tabelli Snook. Wara l-provi tal-bidu u l-evalwazzjoni biex tintwera l-adattabilità għal użu iktar wiesgħa, kien sar disponibbli għall-pubbliku u jintuża minn spetturi, minn nim iħaddem u mill-ħaddiema, li jinkludu r-rappreżentanti tas-sigurtà.

Kunċett

• Il-MAC jidentifika l-fatturi tar-riskju għal tliet tipi ta' tqandil manwali – l-irfigħ, il-ġarr u operazzjonijiet ta' tqandil minn tim. Jgħin ukoll biex jidentifika liema biċċiet tax-xogħol fuq post tax-xogħol jeħtieġ li jitjiebu l-ewwel.
  
• Il-MAC juża folja tal-punteġġ fejn l-utent jiddeskrivi l-biċċa xogħol u mbagħad il-fatturi tar-riskjuhuma kkunsidrati billi jintużaw waħda mit-3 flow charts li huma assoċjati ma' operazzjonijiet ta' rfigħ, operazzjonijiet ta' ġarr u operazzjonijiet ta' tqandil minn tim. Għal kull fattur ta' riskju kulur tad-dwal tat-traffiku u punteġġ huma assenjati billi tintuża l-gwida sempliċi fl-għodda. Il-kuluri jgħinu biex juru r-riskju minn kull fattur.
  
• Il-punteġġi totali jistgħu jintużaw biex tingħata prijorità lill-azzjoni bejn biċċiet tax-xogħol differenti. Żewġ jew iktar biċċiet tax-xogħol jistgħu jitqabblu – l-ogħla punteġġi juru iktar riskju u għandhom jiġu ttakiljati l-ewwel. Il-punteġġi jistgħu jitqabblu wkoll għat-titjib propost - biex wieħed jara liema minnhom ser jagħti l-iktar tnaqqis fir-riskju.
  
• Il-fatturi tar-riskju inklużi fil-MAC ma jkoprux il-karatteristiċi kollha ta' Anness 1 tad-Direttiva tal-Kunsill, eż. fatturi individwali. Il-folja tal-punteġġ tista' tintuża biex iżżomm rekord ta' fatturi individwali, fatturi psikosoċjali, eċċ.
  

Popolazzjoni fil-Mira li ser Tuża l-MAC

Il-MAC jintuża minn spetturi, minn min iħaddem u minn ħaddiema, li jinkludu rappreżentanti tas-sigurtà.
Hu faċli biex tużah u jista' jintuża minn kwalunkwe persuna fuq il-post tax-xogħol. Vidjos ta' taħriġ huma disponibbli fuq is-sit ta' l-Internet ta' l-HSE biex jagħmlu l-użu fil-prattika ta' l-għodda possibbli, iżda taħriġ speċjalizzat ergonomiku mhuwiex meħtieġ għall-użu ta' din l-għodda bażika.

Kwalità tal-metodoloġija

L-affidabilità, il-validità u l-konsistenza huma vverifikati. Biex jagħti metodoloġija konsistenti u biex jimminimizza l-probabbiltà ta' żbalji fl-istruzzjonijiet għall-użu, uri eżempji ta' punteġġi differenti tal-fattur ta' riskju.

Links

Għal aktar informazzjoni fuq dan il-metodu li jinkludi l-letteratura, jekk jogħġbok żur is-
Health & Safety Executive (HSE) sit ta' l-Internet fuq mard muskolu-skeletrali

Letteratura

• Manual handling Assessment Charts (MAC). Health & Safety Executive (HSE) and Health & Safety Laboratory (HSL) ISBN 0 7176 2741 1
  
• Monnington, S.C.; Pinder, A.D.J.; Quarrie, C.: Development of an inspection tool for manual handling risk assessment. Health & Safety Laboratory, Sheffield 2002
  
• Tapley, S.E.: Reliability of Manual handling Assessment Charts (MAC) developed for health and safety inspectors in UK. A field study. Field Operations Directorate, HSE, 2002
  
• Monnington, SC; Pinder, ADJ: Benchmarking of the Manual Handling Assessment Charts, (MAC) Health & Safety Laboratory, Sheffield 2002
  
• Care, B; Quarrie,C; Monnington, SM: Testing and improving the usability of the Manual handling Assessment Chart (MAC) HSE 2002
  
• Lee, D and Ferreira, JJ: Reliability and usability evaluation of the Manual Handling Assessment Charts (MAC) for use by non-regulatory professionals. Health & Safety Laboratory, Sheffield 2003