Metodu ta' l-Indikatur Importanti għal attivitajiet li jinvolvi Ġbid u Imbuttar

L-evalwazzjoni titwettaq bażikament għal attivitajiet individwali u tirrigwarda jum wieħed ta' xogħol. Jekk il-piżijiet tat-tagħbija u/jew il-qagħdiet jinbidlu matul attività individwali attività, il-valuri medji jridu jiġu kkalkulati. Jekk numru ta' biċċiet tax-xogħol ta' tqandil manwali jinħolqu ma' manipulazzjonijiet sostanzjalment differenti ta' tagħbija matul l-attività sħiħa, dawn għandhom ikunustmati u dokumentatiseparatament.

It-3 passi li ġejjin huma meħtieġa fl-evalwazzjoni:
1. Determinazzjoni tal-ħin tal-punti tar-rata,
2. Determinazzjoni tal-punti tar-rata għall-indikaturi importanti u
3. Evalwazzjoni.

Fid-determinazzjoni tal-punti tar-rata hu bażikament permess li tikkalkula passi intermedji (interpolazzjoni). Frekwenza ta' 40 tipproduċi punt tar-rata tal-ħin ta' 3, pereżempju.

Il-folja tax-xogħol tal-Metodu ta' l-Indikatur Importanti għal attivitajiet li jinvolvu Ġbid u Imbuttar jistgħu jiġu ddawnlowdjati hawnhekk:

Folja tax-xogħol KIM interattiva għal attivitajiet li jinvolvu Ġbid u Imbuttar (Fajl pdf, 653 kB)
Din il-folja tax-xogħol interattiva tippermetti lil dak li jkun li jimla l-formola fuq kompjuter u awtomatikament tikkalkula l-punteġġ tar-riskju marbut ma' l-attività. Ir-riżultat jista' jkun issejvjat fuq il-kompjuter.

Dokumenti utli addizzjonali marbuta ma' dan il-metodu:

Folja tax-xogħol KIM li tista' tiġi stampata għal attivitajiet li jinvolvu Ġbid u Imbuttar (Fajl pdf, 225 kB)
Din il-folja tax-xogħol hi għall-użu mingħajr kompjuter għal evalwazzjoni bil-karta u pinna.

Lezzjoni qasira bl-eżempji u Tweġibiet għall-Mistoqsijiet li jsiru sikwit (Fajl pdf, 2 MB)
Din il-lezzjoni qasira tipprovdi tagħrif utli biex tuża l-KIM fil-prattika, tagħti eżempji għall-evalwazzjoni u tagħti tweġibiet għal mistoqsijiet li jsiru sikwit.

Attenzjoni!
Din il-proċedura sservi biex issir evalwazzjoni approssimattiva tal-kundizzjonijiet tax-xogħol mal-ġbid u l-imbuttar tat-tagħbija. Madankollu, għarfien tajjeb tal-biċċa xogħol tat-tqandil manwali li tkun qed tiġi evalwata hu assolutament essenzjali meta tistabbilixxi r-rata tal-ħin, il-punti tar-rata għall-piż, il-preċiżjoni ta' l-ippożizzjonar, il-veloċità, il-qagħda u l-kundizzjonijiet tax-xogħol. Jekk dan għarfien ma jkunx preżenti, l-ebda evalwazzjoni ma tkun tista' ssir. Stimi mhux preċiżi jew suppożizzjonijiet iwasslu għal riżultati mhux korretti.

L-1el pass: Determinazzjoni tal-Punti tar-Rata tal-Ħin

Il-punti tar-rata tal-ħin huma stabbiliti, b'referenza għat-tabella, b'mod separat għal ġbid u mbuttar fuq distanzi qosra b'waqfien frekwenti u ġbid u mbuttar fuq distanzi itwal:

• Għal ġbid u mbuttar fuq distanzi qosra b'waqfien frekwenti, il-frekwenza tittieħed bħala bażi.
  
• Għal ġbid u mbuttar fuq distanzi itwal, id-distanza totali tittieħed bħala bażi.
  

Il-valur limitu għad-distanza individwali ta' 5 metri għandha titqies bħala għajnuna mhux preċiża. F'każijiet ta' dubju, għandha tittieħed deċiżjoni skond liema kriterju jseħħ l-aktar ta' spiss: start-up u ibbrejkjar jew ġbid fit-tul.

It-2ni pass: Determinazzjoni tal-Punti tar-Rata tal-Piż, Preċiżjoni ta' l-Ippożizzjonar, Kundizzjonijiet tal-Qagħda u tax-Xogħol

2.1 Piż li jrid jiċċaqlaq

Id-determinazzjoni titwettaq b'referenza għat-tabella, billi jiġi kkunsidrat il-piż li jrid jitħarrek (il-piż tal-mezz tat-trasport flimkien mat-tagħbija) u n-natura tal-mezz tat-trasport (trakk industrijali, għajnuna). Bosta drabi ħafna jintużaw drawbar-less trolleys flimkien ma' rollers. Hawnhekk trid issir distinzjoni bejn (steerable) steering rollers u (non-steerable) rollers fissi.
Jekk tagħbijiet differenti jiġu mqandla matul il-kors ta' l-attività individwali li ser tkun evalwata, valur medju jistgħu jiġi kkalkulat. Għal skopijiet ta' paraguni, il-valuri massimi tat-tagħbija jistgħu jintużaw ukoll. Imbagħad, il-frekwenza mnaqqsa ta' dawn il-valuri massimi trid tittieħed bħala bażi, u taħt l-ebda ċirkustanza m'għandha tittieħed il-frekwenza totali.

2.2 Preċiżjoni ta' l-Ippożizzjonar u l-Veloċità tal-Moviment

Id-determinazzjoni titwettaq b'referenza għat-tabella. Il-veloċità "mgħaġla" hi ekwivalenti għal mixi normali. Jekk f'każijiet speċjali ikun hemm veloċitajiet li jkunu iktar mgħaġla b'mod ċar, it-tabella tista' tiġi estiża kif ikun xieraq u jingħata 4 jew 8. Interpolazzjonijiet huma permessi.

2.3 Qagħda

Il-punti tar-rata tal-qagħda huma stabbiliti b'referenza għall-pictograms fit-tabella. Il- qagħdiet karatteristiċi waqt it-tqandil tat-tagħbija jridu jintużaw għall-attività individwali. Jekk qagħdiet differenti jiġu adottati hekk kif ix-xogħol javvanza, valur medju jista' jinkiseb mill-punti tar-rata tal-qagħda għall-biċċa xogħol tat-tqandil manwali li tkun qed tiġi evalwata.

2.4 Kundizzjonijiet tax-Xogħol

Biex tistabbilixxi l-punti tar-rata tal-kundizzjonijiet tax-xogħol, il-kundizzjonijiet tax-xogħol li jippredominaw il-biċċa l-kbira tal-ħin għandhom jintużaw. Skonfort ta' kultant li m'għandu l-ebda importanza għas-sigurtà, mhux ser jiġi kkunsidrat.

It-3et pass: Evalwazzjoni

Kull biċċa xogħol tkun evalwata fuq il-bażi ta'punteġġ tar-riskju marbut ma' attività (kalkulazzjoni billi tgħodd il-punti tar-rata għall-indikaturi importanti u timmultiplika bil-punti tar-rata tal-ħin). Jekk in-nisa jwettqu din il-biċċa xogħol, il-punti tar-rata jiġu mmultiplikati b'fattur ta' 1.3. Dan jikkunsidra l-fatt li n-nisa, bħala medja, għandhom madwar 2/3 tal-kapaċità ta' l-irġiel.

• Il-bażi għall-evalwazzjoni hi l-probabbilità ta' ħsara fis-saħħa. In-natura u l-livell ta' ħsara mhumiex definiti b'mod iktar preċiż. Jiġu kkunsidrati l-mekkaniżmi ta' l-azzjoni bijomekkaniċi u fiżjoloġiċi flimkien mal-mudelli tad-doża. Hu ssoponut li t-tensjoni interna fuq is-sistema muskolari u dik muskoloskeletrika tiddependi b'mod kruċjali fuq il-forzi fiżiċi li jkunu applikati Dawn il-forzi fiżiċi huma stabbiliti mill-piż ta' l-oġġett li jkun irid jitħarrek, il-valuri ta' l-aċċelerazzjoni u r-reżistenzi tal-wiċċ ta' l-art. Qagħdiet mhux favorevoli u tul ta' żmien li fih it-tagħbija tiżdied u/jew żieda fil-frekwenza tagħbija interna.
  L-istruzzjonijiet fil-kaxxa l-griża fuq paġna 2 tal-formola jridu jiġu obduti.
  
• Evalwazzjonijiet fil-qosor huma diffiċli fil-każ ta' numru ta' biċċiet tax-xogħol ta' tqandil manwali, minħabba li dawn imorru lilhemm mill-għan informattiv ta' din l-analiżi ta' l-orjentazzjoni. Normalment, dawn jeħtieġu proċeduri iktar estensivi ta' l-evalwazzjoni tar-riskju.
  
• Ħtiġijiet tad-disinn li jistgħu jiġu stabbiliti
  Minn din l-istima tar-riskju hemm evidenza immedjata ta' ħtiġijiet u metodoloġiji tad-disinn. Bażikament il-kawżi ta' punti għolja tar-rata jridu jkunu eliminati. B'mod speċjali dawn huma:
  
  
  
  • għal punti tar-rata tal-ħin, regolamenti organizzazzjonali,
    
  • għal punti għoljin tar-rata tal-piż, tnaqqis fil-piż tat-tagħbija jew l-użu trakkijiet industrijali adattati,
    
  • għal punti għoljin tar-rata għall-veloċità tal-moviment u preċiżjoni ta' l-ippożizzjonar, l-użu ta' gwidi tar-roti u stop buffers jew tnaqqis fit-tagħbija tax-xogħol.
    
  • għal punti għoljin tar-rata għall-qagħda, titjib fid-disinn tal-post tax-xogħol.
    
  • Il-kundizzjonijiet tax-xogħol għandhom dejjem ikunu "tajbin".