Livell II - Evalwazzjoni tar-Riskju fuq livell ta' screening

L-għarfien dwar il-biċċa xogħol li trid tiġi evalwata hu meħtieġ. Għall-membri ta' l-istaff, dan l-għarfien hu disponibbli fil-biċċa l-kbira tal-każijiet. Għal dawk l-utenti mingħajr dan l-għarfien, qabel irid jitwettaq studju dwar ix-xogħol.
L-evalwazzjoni tar-riskju fiha

• id-deskrizzjoni tal-ħtiġijiet tal-biċċa xogħol essenzjali u tal-kundizzjonijiet tax-xogħol u
  
• il-kwantifikazzjoni tal-livell ta' tensjoni permezz ta' punteġġ tar-riskju.
  

Dan il-punteġġ tar-riskju jirrifletti l-grad ta' probabbiltà għal tagħbija żejda muskoloskeletrika. Iktar ma jkun għoli l-punteġġ, iktar ikun ogħla r-riskju. Il-probabbiltà tat-tagħbija muskoloskeltrika żejda tirreferi għal popolazzjoni ġenerali ta' ħaddiema f'saħħithom u mħarrġa b'mod normali.
L-utent jista' jagħżel bejn żewġ għodda

• Key Item Method (forma qasira: KIM)
  
• Manual Handling Assessment Charts (forma qasira: MAC)
  

li t-tnejn huma applikati fl-Ewropa.

Għal raġunijiet ta' kwalità, l-istruzzjonijiet speċjali għaż-żewġ għodod (KIM u MAC) jridu jkunu kkunsidrati bl-attenzjoni.

Għanijiet

• id-deskrizzjoni tal-ħtiġijiet tal-biċċa xogħol essenzjali u tal-kundizzjonijiet tax-xogħol u
  
• Kwantifikazzjoni tal-livell tat-tensjoni
  
• Evalwazzjoni tar-riskju oġġettiva – kalkulazzjoni tal-punteġġ tar-riskju
  
• Indikazzjoni ta' punti ta' l-intervent (disinn mill-ġdid u/jew kura medika)
  

Popolazzjoni ta' utenti fil-mira, pre-kundizzjonijiet għall-applikazzjoni

• Għarfien tajjeb dwar il-biċċa xogħol li trid tiġi evalwata
  
• Għarfien bażiku dwar is-Sigurtà u s-Saħħa fuq il-Post tax-Xogħol (Occupational Safety and Health - OSH)
  
• l-ebda taħriġ ergonomiku speċjali
  
• sens komun
  

Sforz

Jekk hemm informazzjoni suffiċjenti u għarfien dwar il-biċċa xogħol, ftit minuti biss.
Jekk m'hemm informazzjoni biżżejjed, qabel għandu jsir studju dwar ix-xogħol u l-moviment. F'dak il-każ, l-isforz jiddependi fuq il-kumplessità tal-biċċa xogħol, il-grad ta' ripetizzjoni u l-kundizzjonijiet tax-xogħol. Bħala medja, jieħu madwar 20 minuta.

Għodda

Għall-evalwazzjoni tar-riskju fuq livell ta' screening, żewġ metodi validi huma disponibbli:
Key Item Method (KIM) jew Manual Handling Assessment Chart (MAC)
Iż-żewġ metodi

• huma żviluppati b'referenza speċjali għad-Direttiva tal-Kunsill dwar it-Tqandil Manwali tat-Tagħbija
  
• huma bbażati fuq punti bijomekkaniċi, fiżjoloġiċi u psikofiżjoloġiċi
  
• huma ttestjati dwar il-validità u l-affidabilità
  
• huma applikati għal diversi snin
  

Iż-żewġ metodi jagħtu riżultati komparabbli.

Iż-żewġ metodi huma għodda għall-evalwazzjoni tar-riskju għall-problemi mhux mistennija - mhux għall-evalwazzjoni ta' ġbid u tensjoni f'jum sħiġ fuq ix-xogħol jew fil-ħajja. L-ebda, jew applikazzjoni limitata hi possibbli, fejn il-biċċiet tax-xogħol huma kumplessi jew jinbidlu ta' sikwit.

Rimarki

L-evalwazzjoni tar-riskju fuq livell ta' screening tiddefinixxi l-karatteristiċi tat-tagħbija tax-xogħol fiżiku, turi sitwazzjonijiet maħluqa minn problemi mhux mistennija u tagħti ħjiel għall-azzjonijiet.
Prinċipju: Karatteristiċi importanti tal-biċċa xogħol huma kklassifikati permezz ta' skala ta' l-ikklassifikar u segwita minn punteġġ tar-riskju.
Bħal f'Livell I, il-karatteristiċi differenti tat-tensjoni fuq it-TMT jkunu kkunsidrati.

• Ġbid bijomekkaniku ta' l-għadam, ġogi, u muskoli li jirriżulta minn forzi ta' l-azzjoni u qagħdiet ristretti
  
• Għeja kbira tal-muskoli bħala riżultat ta' ġenerazzjoni ta' forza intensiva, frekwenti jew persisteni.
  
• Stress tas-sistema kardjovaskulari minħabba tagħbija qawwija ta' xogħol fiżiku
  
• Żvantaġġi minħabba l-karatteristiċi tat-tagħbija (goffa, tiżloq, kbira ħafna)
  
• Riskju ta' inċidenti minħabba l-karatteristiċi tat-tagħbija (tqila ħafna, taħraq, taqta', titħarrek)
  
• Riskju ta' inċidenti minħabba l-karatteristiċi ta' l-ambjent tax-xogħol (l-art mhix watja jew tiżloq, żona ristretta għall-moviment tal-ħaddiema, ostakli, nuqqas ta' dawl)
  

Il-punteġġ tar-riskju jirrifletti l-grad ta' probabbiltà għal tagħbija żejda muskoloskeletrika. Iktar ma jkun għoli l-punteġġ, iktar ikun ogħla r-riskju. Il-probabbiltà ta' tagħbija muskoloskeltrika żejda tirreferi għal popolazzjoni ġenerali ta' ħaddiema f'saħħithom u mħarrġa b'mod normali.
Biex ir-riskju individwali għal ħaddiem wieħed ikun evalwat, fatturi addizzjonali għandhom jiġu kkunsidrati. Il-ħaddiem jista' jkun f'riskju individwali jekk hu/hi:

• mhux fiżikament adattat biex iwettaq dik il-biċċa xogħol partikulari,
  
• ikun liebes ilbies, żraben jew affarijiet personali oħra li mhumiex adattati,
  
• ma jkollux għarfien jew taħriġ adegwat jew adattat.
  

Bil-ħsieb li ssir analiżi ta' ħafna fattruri, tista' ssir referenza fl-istess ħin għal diversi fatturi elenkati f'Annessi I u II.


Pariri għall-utenti


Kejl eżatt ta' l-informazzjoni ta' l-input hu teoretikament possibbli. Fil-prattika, xi karatteristiċi jistgħu jitkejlu faċilment; diversi fatturi ma jistgħux jitkejlu. Il-piż tar-tagħbija jista' jitkejjel b'miżien bil-molla, in-numru ta' tqandil jista' jingħadd. Madankollu, il-kejl tal-forza ta' l-azzjoni, ir-reżistenza tal-frizzjoni jew il-qagħdiet tal-ġisem huma kumplikati u jinvolvu ħafna spejjeż.
Għal-livell ekwivalenti ta' preċiżjoni, jintuża l-prinċipju ta' kalkolu approssimattiv: Il-karatteristiċi kollha huma kklassifikati bl-użu ta' skali ta' rati speċifiċi mill-valur minimu għal dak massimu. Għal-livell ta' screening, preċiżjoni suffiċjenti tintlaħaq b'dan il-mod.
Għall-interpretazzjoni tal-punteġġ tar-riskju, din il-preċiżjoni limitata għandha tiġi kkunsidrata. Il-punti fokali huma l-problemi mhux mistennija u ż-żoni tar-riskju – u mhux il-punteġġ diskret tar-riskju. B'dan il-mod għal biċċa l-kbira tal-biċċiet tax-xogħol, evalwazzjonijiet suffiċjenti tar-riskju huma disponibbli. F'xi sitwazzjonijiet, evalwazzjoni tar-riskju fuq dan il-livell mhux ser tirnexxi. F'dal il-każ, hemm żewġ possibbiltajiet:



• Jekk ikun hemm sitwazzjoni li mhix ċara jew riżultati mhux aċċettabbli, tagħrif addizzjonali bħal stima suġġettiva tat-tagħbija tax-xogħol mill-ħaddiema jew l-ilmenti iridu jkunu kkunsidrati, diskussi u interpretati flimkien.
  
• Jekk ikun hemm bżonn ta' iktar preċiżjoni u evalwazzjoni tar-riskju dettaljata, analiżi distinta li tikkorrispondi għal Livell III trid titwettaq.
  


Biex jiġu evitati żbalji, il-punteġġi kollha jridu jiġu evalwati b'mod kritiku. Ir-riżultati għandhom jitqabblu ma' l-esperjenza, it-tensjoni suġġettiva li tinħass mill-ħaddiem, b'tagħrif dwar l-ilmenti jew l-assenzi.
Fejn titwettaq l-evalwazzjoni tar-riskju fuq livell ta' screening, hemm il-possibbiltà ta' żball jew interpretazzjoni ħażina ta' l-evalwazzjoni. Sorsi potenzjali jistgħu jkunu għarfien insuffiċjenti dwar ix-xogħol, li jrid ikun evalwat, interpretazzjonijiet ħżiena suġġettivi, informazzjoni ta' l-input mhux korretta, żbalji tal-kalkulazzjoni.